 |
||
| Elkarteak | ||
| Web guneak | ||
| Gai-zerrenda | ||
| Artikuluak | ||
| Nor garen | ||
| Gure printzipioak | ||
| Berriak | ||
 |
 |
 |
||||||
| 0 - 6 urte | 6 - 12 urte | 12 - 16 urte | ||||||
NOLA KENDU TXUPETEA
Txupeteak ziurtasun handia ematen dio umeari hainbat egoeratan: lotarako, gaixorik dagoenean, nekatuta... Baina 2-3 urte bitarteko sasoia egokia izaten da ohitura honi agur esateko. Hoberena, apurka-apurka eta pazientziaz egitea izaten da; umeak ez badu txupetea eskatzen, ez zaio eskaini behar, eta lehen aipatu ditugun bezalako egoeretarako gordeko dugu. Hala ere, ohitura luzatuz doala uste badugu, eraginkorra izaten da aholku batzuk kontuan hartzea:
-
Ez hartu erabakia beste gertaera esanguratsuren batekin batera: neba-arreba bat jaiotzean, ikastolaratze-prozesuan, zaintzailea aldatzean...
-
Haurrarekin hitz egin, txupetea uzteko psikologikoki prest egon behar du. Erabakia berarekin batera har ezazue, uztearen alde positiboak azpimarratuz: bera ume nagusia dela… Gurasook ziurtasuna sentiarazi behar diozue, gai izango dela adieraz iezaiozue, zeuengan antsia antzematen badu, berak ere sentitu egingo baitu eta beldurtu egingo da.
-
Behin erabakia hartuz gero, ez atzera egin! Adostutakoa samurki baina tinko bete ezazue. Momentua ailegatzen denean, damutzen bada, kontsolatu, baina aurrera egin. Azaldu zertan gelditu zineten, betetzeko gai dela esan, konfiantza eman.
-
“Larrialdietan”, maite duen panpina erabil daiteke, besarka dezan...
-
Bere lorpen guztiak (portaera “nagusi” guztiak) indartu. Esaiozue zein harro zaudeten berarekin, zein nagusia den, familiakoen aurrean aipatu, goraipatu... eta maitasuna eman, maitasuna beti izaten baita gakoa! ZORTE ON!
Bego Gordillo MARKEZ.